ನಾ ಗೀಚಿದ ಕೆಲವು ಸಾಲುಗಳು. . .

ಇವುಗಳು ಕವಿತೆಗಳಲ್ಲ. ಬರೀ ಕೆಲವು ಸಾಲುಗಳು. ಕಾಗದದ ಮೇಲಿಳಿಯದೇ ಹೋಗಿದ್ದರೆ ಕೆನ್ನೆಯ ಮೇಲೆ ಹರಿದು ಮಾಯವಾಗಿರುತ್ತಿದ್ದ ಹನಿಗಳು. . .

***************

ಎದೆಯೊಳಗೆ ಎಂದೋ ಹುಟ್ಟಿದ್ದ ಕನಸೊಂದು

ಇನ್ನೂ ಜೀವಂತವಾಗಿ ಮಲಗಿದೆ ಶವದ ಪೆಟ್ಟಿಗೆಯೊಳಗೆ.

****

ಗೆಳೆಯಾ, ನೀ ಬಹಳಾ ದೊಡ್ಡವನಾಗಿ ಬಿಟ್ಟಿ

ನಾನಿನ್ನೂ ಹಾಗೆಯೇ ಇದ್ದೇನೆ ನೋಡು

ಕಾಗೆ ಗುಬ್ಬಿ ಕತೆ ಹೇಳುತ್ತಾ,

ಉಯ್ಯಾಲೆ ಆಡುತ್ತಾ,

ಗಾಳಿಪಟ ಹಾರಿಸುತ್ತಾ.

**********

ಮತ್ತೊಮ್ಮೆ ಹುಟ್ಟಿದ ಸೂರ್ಯ

ಮತ್ತೊಮ್ಮೆ ಹುಟ್ಟಿದೆ ನಾನು

ಹೊಸ ಮುಖವಾಡ ತೊಟ್ಟು.

*****************